Xbajt tħoss li ma tingħatax widen? L-affarijiet qed jinbidlu.
Dan l-aħħar, żgħażagħ minn madwar l-UE kollha u minn lil hinn minnha poġġew bilqiegħda magħna għal taħditiet reali wiċċ imb wiċċ u qalulna dak li għandhom f’moħħhom.
Issa jmiss lilek. Minn dawn it-taħditiet ħriġna l-punti ewlenin, u rridu nisimgħu x’għandek xi tgħid int.
Dawn l-azzjonijiet litteralment se jgħinu biex jissawru inizjattivi politiċi li għandhom impatt fuq iż-żgħażagħ madwar l-UE.
X’inhuma d-djalogi ta’ politika maż-żgħażagħ?
Matul l-ewwel 100 jum tal-mandat tagħhom, kull wieħed u waħda mill-Kummissarji tal-UE poġġew bilqiegħda ma’ gruppi ta’ żgħażagħ minn madwar l-UE biex jitkellmu dwar firxa wiesgħa ta’ suġġetti, li jvarjaw mill-akkomodazzjoni u l-klima sal-ħiliet u s-saħħa.
Dan għalfejn hu importanti?
Il-Kummissjoni Ewropea trid li ż-żgħażagħ ikollhom tabilħaqq sehem fil-mod kif jaħdmu s-soċjetajiet u d-demokraziji tagħna. Irridu li leħnek ikun jgħodd fl-inizjattivi politiċi tal-UE.
X’jiġri f’dawn id-djalogi?
Il-Kummissarji jinteraġixxu maż-żgħażagħ u jisimgħu x’jaħsbu dwar x’qed jaħdem, x’mhuwiex qed jaħdem, u x’hemm bżonn li jinbidel. Din hija opportunità biex titkellem direttament ma’ dawk li jieħdu d-deċiżjonijiet dwar il-futur li tixtieq.
Il-fażijiet tad-djalogu ta’ politika maż-żgħażagħ
- Minn Diċembru 2024 sa Marzu 2025Djalogi mal-Kummissarji
Sa 30 żagħżugħ u żagħżugħa jiddiskutu suġġett partikulari mal-Kummissarju responsabbli.
- Minn Marzu sa Ġunju 2025Dibattitu online
Nistednuk issemma’ leħnek dwar dak li jkun ħareġ mid-djalogi differenti mal-Kummissarji.
- Lulju 2025L-evalwazzjoni finali
Se tiġi ppubblikata konklużjoni finali tad-djalogi u tad-dibattiti. Din se tgħin biex ikunu jistgħu jissawru inizjattivi politiċi b’impatt fuq iż-żgħażagħ madwar l-UE.
- Ħarifa 2025Il-proċess ta’ wara
Se tiġi ppubblikata informazzjoni dwar il-proċess ta’ wara li jkunu saru d-djalogi u d-dibattiti. Din se tkun tinkludi previżjonijiet dwar iċ-ċiklu ta’ djalogi li jmiss, li se jsir fl-2026.