Riżultati tal-Panel u Segwitu
Fuq il-bażi tal-ħidma li wettqet u li qed twettaq il-Kummissjoni Ewropea, il-Panel fassal lista ta’ rakkomandazzjonijiet biex jikkontribwixxu għall-inizjattivi tal-UE. Dawn jinkludu Rakkomandazzjoni b’linji gwida għas-setturi speċifiċi dwar l-applikazzjoni tal-prinċipju li “l-Effiċjenza Enerġetika tiġi l-Ewwel”, li l-Kummissjoni Ewropea bħalissa qed tabbozzaha u tħejjiha biex tiġi adottata sa tmiem l-2025.
Sadanittant, il-Kummissjoni qed taħdem fuq azzjonijiet addizzjonali li jkomplu jibnu fuq ir-rakkomandazzjonijiet u l-ideat taċ-ċittadini. Eżempju ewlieni huwa l-Pakkett tal-Enerġija taċ-Ċittadini,li għandu l-għan li jsaħħaħ il-parteċipazzjoni taċ-ċittadini fit-tranżizzjoni tal-enerġija u jiżgura li tali tranżizzjoni tkun ġusta u ekwa. Dan il-pakkett huwa għodda maħsuba biex tippermetti liċ-ċittadini jipparteċipaw fit-tranżizzjoni tal-enerġija u jibbenefikaw direttament minnha, kemm individwalment kif ukoll kollettivament, permezz tal-komunitajiet tal-enerġija.
Pjan ta’ Azzjoni għall-Komunitajiet tal-Enerġija
Bħala parti mill-Pakkett tal-Enerġija taċ-Ċittadini, il-Kummissjoni se tħejji wkoll Pjan ta’ Azzjoni għall-Komunitajiet tal-Enerġija, li se jappoġġa lill-UE u lill-Istati Membri tagħha biex jaċċelleraw l-iżvilupp tal-komunitajiet tal-enerġija, kif irrakkomandat mill-panel.
Biex jiġu żgurati t-trasparenza u r-responsabbiltà, lejn tmiem l-2025 se jsir avveniment għall-feedback li bih il-Kummissjoni Ewropea se tispjega kif tkun qed timplimenta r-rakkomandazzjonijiet taċ-ċittadini.
Il-Panel taċ-Ċittadini Ewropej dwar l-Effiċjenza Enerġetika ppreżenta r-rakkomandazzjonijiet tiegħu lill-Kummissjoni Ewropea
Fi tmiem is-sessjoni finali tal-Panel, iċ-ċittadini ppreżentaw ir-rakkomandazzjonijiet tagħhom lil Maroš Šefčovič, Viċi President Eżekuttiv tal-Kummissjoni Ewropea għall-Patt Ekoloġiku Ewropew.
Fuq tliet weekends, 150 ċittadin magħżulin b’mod aleatorju li jirrappreżentaw is-27 Stat Membru kollha tal-UE ltaqgħu biex jiddiskutu l-isfidi u l-benefiċċji tal-effiċjenza enerġetika l-aktar rilevanti għalihom.
Flimkien, ressqu lista ta’ rakkomandazzjonijiet konkreti li se jikkontribwixxu għat-tiswir tal-liġijiet futuri tal-UE u għall-inizjattivi li ġejjin tal-Kummissjoni. Dan jinkludi l-proposta prevista tal-Kummissjoni għal Rakkomandazzjoni dwar il-prinċipju li “l-Effiċjenza Enerġetika tiġi l-Ewwel”.
Kif tista’ l-Unjoni Ewropea twassal il-benefiċċji tal-effiċjenza enerġetika għaċ-ċittadini, l-awtoritajiet pubbliċi u l-intrapriżi?
Il-Panel taċ-Ċittadini Ewropej dwar l-Effiċjenza Enerġetika laqqa’ flimkien 150 ċittadin Ewropew biex jiddiskutu kif l-enerġija tintuża fl-UE u kif tista’ tinbidel is-sistema tal-enerġija fil-ġejjieni. Dan kien f’waqtu fid-dawl tal-kriżi reċenti tal-enerġija li kkonfermat il-ħtieġa għal sistema tal-enerġija tal-UE aktar nadifa u aktar sigura.
Il-parteċipanti ffukaw fuq aspetti differenti tal-effiċjenza enerġetika li aħna nistgħu niltaqgħu magħhom fid-dar, fil-komunitajiet jew fuq il-post tax-xogħol tagħna. Suġġetti jinkludu, fost oħrajn, kif insaħħnu l-bini tagħna, x’tip ta’ apparat domestiku nixtru u liema trasport nużaw.
Kronoloġija
Il-Panel taċ-Ċittadini Ewropej dwar l-Effiċjenza Enerġetika sar fuq tliet weekends bejn Frar u April 2024
- 23-25 ta’ FrarSessjoni 1 - Brussell
- L-iskambju tal-ewwel ideat li l-parteċipanti jsibu l-aktar promettenti għal dan l-eżerċizzju.
- Introduzzjoni għall-“effiċjenza enerġetika”: xi tfisser u x’qed isir diġà biex tittejjeb, kemm fil-livell nazzjonali kif ukoll fil-livell tal-UE.
- L-identifikazzjoni tal-influwenza u l-impatt tal-effiċjenza enerġetika fuq il-ħajja tagħna ta’ kuljum, u modi kif inġibu l-benefiċċji kollha tagħha.
Reġistrazzjonijiet tat-23 ta’ Frar 2024 | 25 ta’ Frar 2024
- 15-17 ta’ MarzuSessjoni 2 - online
- Rendikont tas-Sessjoni 1 u l-iżvilupp ta’ ideat skont it-tema u s-suġġett.
- L-ewwel fażi tal-iżvilupp tar-rakkomandazzjonijiet.
Reġistrazzjonijiet tal-15 ta’ Marzu 2024 | 17 ta’ Marzu 2024
- 12-14 ta’ AprilSessjoni tal-għeluq - Brussell
- It-tfassil ta’ konklużjonijiet tad-dibattiti u r-rakkomandazzjonijiet lill-Kummissjoni Ewropea.
- Spjegazzjoni tal-passi li jmiss – l-impatt fuq it-tfassil tal-politika u l-mument tal-feedback.
Reġistrazzjonijiet tat-12 ta’ April 2024 | 14 ta’ April 2024
Gallerija tar-Ritratti
Energy Efficiency Panel image 12Energy Efficiency Panel image 12 
Energy Efficiency Panel image 13Energy Efficiency Panel image 13 
Energy Efficiency Panel image 1Energy Efficiency Panel image 1 
Energy Efficiency Panel image 4Energy Efficiency Panel image 4 
Energy Efficiency Panel image 6Energy Efficiency Panel image 6 
Energy Efficiency Panel image 11Energy Efficiency Panel image 11 
Energy Efficiency Panel image 9Energy Efficiency Panel image 9 
Energy Efficiency Panel image 5Energy Efficiency Panel image 5 
Energy Efficiency Panel image 7Energy Efficiency Panel image 7 
Energy Efficiency Panel image 10Energy Efficiency Panel image 10 
Energy Efficiency Panel image 2Energy Efficiency Panel image 2 
Energy Efficiency Panel image 3Energy Efficiency Panel image 3
