Panels taċ-Ċittadini Ewropej

Politika li jħaddmuha n-nies: il-vjaġġ permezz tal-Panels taċ-Ċittadini

Flimkien, nindirizzaw il-mibegħda fis-soċjetà

Matul tliet tmiem il-ġimgħa, 150 ċittadin tal-UE magħżula b’mod aleatorju kienu involuti f’diskussjonijiet dwar kif għandha tiġi indirizzata l-mibegħda fis-soċjetà. L-eżitu: Minkejja li hija tema sensittiva u b’riskju li tqajjem emozzjonijiet u diviżjonijiet qawwija, il-membri tal-panel kellhom dibattitu kostruttiv u ta’ rispett. Trid tiskopri kif l-intuwizzjonijiet tant personali tagħhom wassluhom biex joħolqu 21 rakkomandazzjoni konkreta lill-Kummissjoni Ewropea?
Arahom hawnhekk!

Nagħmlu użu aħjar mill-enerġija, flimkien

L-UE ċċempillek. Tweġibha? Meta Csenge, Conall, u 148 ċittadin ieħor tal-UE magħżula b’mod randomizzat ġew mistiedna mill-Kummissjoni Ewropea biex jiddiskutu l-Effiċjenza Enerġetika fi Brussell, huma laqgħu l-isfida. Jixtiequ jaraw kif il-vuċijiet tagħhom ikkontribwew għad-dibattitu?
Ingħaqdu mal-vjaġġ tagħhom fil-Panel taċ-Ċittadini Ewropej dwar l-Effiċjenza Enerġetika.

Panels konklużi

Panel dwar il-baġit Ewropew il-ġdid

Fuq liema prijoritajiet għandu jintefaq il-baġit talUE fil-futur?
Liema tipi ta’ attivitajiet għandu jappoġġja l-baġit tal-UE biex jgħin fit-twettiq ta’ dawk il-prijoritajiet?

Panel dwar l-Indirizzar tal-Mibegħda fis-Soċjetà

Kif tista’ l-UE tindirizza l-mibegħda fis-soċjetà?

Il-Panel dwar l-Effiċjenza Enerġetika

Kif tista’ l-UE twassal il-benefiċċji tal-effiċjenza enerġetika liċ-ċittadini, lill-awtoritajiet pubbliċi, u lill-intrapriżi?

Panel dwar il-mobbiltà għat-tagħlim

Kif nistgħu nagħmlu l-opportunitajiet tal-mobbiltà għat-tagħlim realtà għal kulħadd?

Panel dwar id-dinjiet virtwali

Liema viżjoni, prinċipji u azzjonijiet għandhom jiggwidaw l-iżvilupp ta’ dinjiet virtwali mixtieqa u ġusti?

Panel dwar il-Ħela tal-Ikel taċ-Ċittadini Ewropej

X’azzjonijiet għandhom jittieħdu mill-Istati Membri tal-UE, mill-atturi fil-katina tal-provvista tal-ikel, miċ-ċittadini u mill-partijiet ikkonċernati privati u pubbliċi oħrajn sabiex jiżdied l-isforz biex titnaqqas il-ħela tal-ikel?

X’inhuma l-Panels taċ-Ċittadini Ewropej?

Il-Panels taċ-Ċittadini huma karatteristika regolari tal-ħajja demokratika fl-Unjoni Ewropea (UE).

Dawn ilaqqgħu flimkien ċittadini magħżula b’mod aleatorju mis-27 stat membru kollha biex jiddiskutu – fil-livell Ewropew – proposti ewlenin li jmiss li jaffettwawna lkoll.

Fil-Panels taċ-ċittadini Ewropej il-parteċipanti jaħdmu flimkien fi gruppi żgħar (kull wieħed ta' madwar 12-il persuna) u kollha flimkien (f’plenarji). Tim ta’ faċilitazzjoni jipprovdi appoġġ. Abbażi tad-diskussjonijiet, iċ-ċittadini jagħmlu rakkomandazzjonijiet li l-Kummissjoni Ewropea tqis meta tiddefinixxi l-politiki u l-inizjattivi.

Kif jaħdem Panel taċ-ċittadini?

Sessjoni 1
Ġenerazzjoni ta’ ideat
L-għan tal-ewwel sessjoni hu li joħorġu l-ideat u jinbnew u jinġabru approċċi li ċ-ċittadini jsibu l-aktar promettenti għal diskussjonijiet futuri fis-sessjonijiet li jmiss.
Sessjoni 2
Rieżami u rfinar
L-għan ta’ din is-sessjoni hu li tibni fuq l-approċċi maqbula fl-ewwel sessjoni u jiġu abbozzati r-rakkomandazzjonijiet inizjali taċ-ċittadini. Wara proċess iterattiv ta’ “rieżami bejn il-pari”, iċ-ċittadini fi gruppi ta’ ħidma jirrieżaminaw u jibnu fuq il-ħidma ta’ xulxin, u jressqu ideat ġodda. Dawn jikkostitwixxu l-bażi biex il-panel jiżviluppa r-rakkomandazzjonijiet finali tiegħu, matul is-sessjoni tal-għeluq.
Sessjoni tal-għeluq
Konklużjoni
Is-sessjoni tal-għeluq tippreżenta l-konklużjonijiet tad-dibattiti, flimkien mar-rakkomandazzjonijiet tal-panel, lill-Kummissjoni Ewropea, bħala parti mill-pakkett li jakkumpanja l-proposti rilevanti.

Kif jintgħażlu ċ-ċittadini?

Madwar 150 ċittadin, magħżula b’mod randomizzat mis-27 stat membru
Grupp li jirrappreżenta d-diversità tal-UE - il-ġeografija (urbana/rurali), il-ġeneru, l-età, l-edukazzjoni, l-isfond soċjoekonomiku, immaġni tal-UE
Terz tal-parteċipanti huma żgħażagħ (16-29 sena)

Il-parteċipanti fil-ġenerazzjoni l-ġdida tal-Panels taċ-Ċittadini jiġu reklutati permezz ta’ għażla randomizzata. Sabiex jiġi żgurat li l-panels jirriflettu kemm jista’ jkun il-kompożizzjoni soċjodemografika tal-UE, il-proċess jiżgura li r-reklutaġġ ikun rappreżentattiv.

Iċ-ċifri tar-reklutaġġ fil-mira jikkombinaw data minn:

l-Ewrobarometru, l-istħarriġ annwali tal-opinjoni pubblika tal-Unjoni Ewropea, u
l-Eurostat, l-uffiċċju tal-istatistika tal-UE.

Sistema ta’ kwoti tiżgura panel ibbilanċjat bejn il-ġeneri, u tispeċifika li ż-żgħażagħ ta’ bejn 16 u 29 sena jirrappreżentaw terz tal-panel. Karatteristiċi soċjodemografiċi oħra li nqisu huma relatati ma’:

il-livell tal-edukazzjoni
il-lokalità ġeografika
l-impjieg.

Il-parteċipanti minn kull Stat Membru jiġu reklutati fi proporzjon mal-popolazzjoni tiegħu, filwaqt li tiġi żgurata rappreżentanza proporzjonali fi gruppi differenti. Sabiex jiġi ggarantit li anke l-iżgħar pajjiżi jkunu rappreżentati, kull Stat Membru jkollu mill-inqas żewġ parteċipanti. F’każijiet bħal dawn, mhuwiex possibbli li jiġu riflessi l-kategoriji soċjodemografiċi kollha fi ħdan delegazzjoni ta’ pajjiż wieħed, iżda d-diversità tal-kategoriji hija żgurata fil-panels kumplessivament.

Il-proċess tal-għażla jiġġedded għal kull panel ġdid.

Reklutaġġ ta’ panels b’tali mod li jirrappreżenta d-diversità huwa essenzjali biex jiġu ffaċilitati diskussjonijiet vibranti u ħalli jiġi żgurat li dawk id-diskussjonijiet jirriflettu varjetà estensiva ta’ perspettivi u opinjonijiet.